Über Eus
Euses Kredo: «Qualität muess is Glas! Regional is Lokal! Es hät solangs hät!»
Eusi Kernkompetänz: «Degustiere gaht über studiere!»
«Ich han doch kei Ziit fürs Internet!»
Ja de Peyer, für nüt und doch für alles hät er Ziit und scho hangt er wieder am Baum. Will er seit: «Muesch dArbet mache, wenn sie gsehsch.» dWeisheit häter mitem Löffel gfrässe und er lehrt eus alles, womer über Obscht, Moscht und Schnaps wüsse muess!
Spezialgebiet: Tricks, Güx und vor allem Gägs!
«Luda de Mike!»
Vonere wilde Schnapsidee bis zu de fertige Fläsche ufem Tisch luegt er, dass alles irgendwie Hand und Fuess hät. De Peyer meint zwar oft «meh liefere statt lafere» aber wer chan, de chan. De Mike brucht eigentlich kei Güx zum fröhlich si, aber mit schafft sichs halt ringer!
Spezialgebiet: Gaht über de Tellerrand use, chunt wieder zrug und setzt um!
«De Ueli de Chnächt!»
Vom ernte übers ihmaische bis zum verkorke ischer ah jedere Fläsche dra. De Peyer nänten liebevoll: «Mini linki Hand und min rächte Tuume». Was de Ueli ahpackt, das heter fescht im Griff, und es brucht halt wenigschtens eine, wo ahpackt!
Spezialgebiet: En Alleskönner, wie er im Buche staht!
