«Zwätschge-Güx zerscht dFrucht im Glas, nacher de Stei im Gsicht!»
Das mit em Stei nimmt de Peyer ganz genau. Bim Zwätschge-Güx wird nämli bi jedere Zwätschge fiin süberlich de Stei entfernt, bevor sie is Fass wandert. De Peyer behauptet, dass es so en no fiinere Schnaps git und mir wänd ihm da mal nöd wiederspräche!
Alk. 40% Vol
«Oder Vieille Prune, DU Connaisseur!»
Feinschte Zwätschge-Güx, über mehreri Mönet im Holzfass glageret. Was debi entstaht, isch eh alti Zwätschge, wo fiin im Abgang isch, mitere liechte Süessi und vollem Aroma. Für de Peyer meh als nur eh alti Zwätschge, nämlich d’Königin under de Digestif. En Güx, wo bi keim Kenner/Connaisseur ide Huusbar, ufem Esstisch oder im Nachttischli fehle dörf.
Alk. 40% Vol
«Wer Berike seit, muess au Bire säge!»
Em Peyer sini Beriker-Bire heisst nöd nur so, sondern wird au im Dorf Berike im Aargau gmaischt! Wo en Williams de bunti Hund under de Bire-Schnäps isch, da isch Beriker-Bire de Gheimtipp. Wie seit de Peyer so schön: „Stilli Schnäps sind tüüf!“
Alk. 40% Vol
«Chli isch sie, die cheibe Bire, aber voller Aroma!»
Gälmöschtler isch en klassische Liebhaber-Schnaps. Ob pur, als Kafi-Güx oder sogar für es feins Flämmli, de Güx schmöckt immer und zwar nach Bire. Und trotzdem isch de Gelbmöschtler en Schnaps ganz ohni Stil und das isch au guet so! Bim ihmaische hät de Peyer nämli es Aug druf, dass ebe kein einzige Stil de Wäg bis zum Brännmeischter findet.
Alk. 43% Vol
«Isch dMirabelle im Auguscht gäl, dänn wird de Januar blau!»
Mirabelle-Güx, mit 43 Volumeprozent schön chräftig, aber miteme weiche Abgang. DMirabelle isch de heimlichi Star vode Güx-Familie. Und das weiss mittlerwiile nöd nur de Peyer.
Alk. 43% Vol
«De König under de Öpfel. De Graf under de Schnäps!»
Kein Öpfel bringt im Glas das Aroma und de Duft ane wie de Gravensteiner. Das mir au das ganze Aroma us dem herrliche Öpfel useholed, lömeren nach de Ernti so lang im Chäller nahriefe, bis am Peyer sini Nase seit «Jetzt ischer sowiit». En Güx nöd nur für Liebhaber, sondern für all, wo gern schmöcked, probiered und philosophiered.
Alk. 40% Vol
«Quitte Güx, mit Huut aber ohni Haar!»
Es isch eh haarstreubendi Ufgab, jedi Quitte einzeln zenthaare aber de Ufwand isches meh als wert. Will am Peyer sin Quitte Güx chützelet no chli ide Nase und schmeichlet em Gaume.
Alk. 40% Vol
«Mir händen da bei eus, de Flachmah!»
Zum mal am Morge de Kafi ufzpeppe, zum am Abig in Stimmig cho, zum mal under Fründinne und Fründe eine uszgäh oder halt ebe eifach wenns mal wieder länger duured. De Flachmah isch en treue Begleiter im Alltag. Es git en uf nur 50 Stück limitiert und mitem Güx nach Wahl befüllt.
