«Zwätschge-Güx zerscht dFrucht im Glas, nacher de Stei im Gsicht. Proscht!»
Das mit em Stei nimmt de Peyer ganz genau. Bim Zwätschge-Güx wird nämli bi jedere Zwätschge fiin süberlich de Stei entfernt, bevor sie is Fass wandert. De Peyer behauptet, dass es so en no fiinere Schnaps git und mir wänd ihm da mal nöd wiederspräche!
Alk. 40% Vol
«Chli isch sie, die cheibe Bire, aber voller Aroma. Proscht!»
Gälmöschtler isch en klassische Liebhaber-Schnaps. Ob pur, als Kafi-Güx oder sogar für es feins Flämmli, de Güx schmöckt immer und zwar nach Bire. Und trotzdem isch de Gelbmöschtler en Schnaps ganz ohni Stil und das isch au guet so! Bim ihmaische hät de Peyer nämli es Aug druf, dass ebe kein einzige Stil de Wäg bis zum Brännmeischter findet.
Alk. 43% Vol
«Isch dMirabelle im Auguscht gäl, dänn wird de Januar blau. Proscht!»
Mirabelle-Güx, mit 43 Volumeprozent schön chräftig, aber miteme weiche Abgang. DMirabelle isch de heimlichi Star vode Güx-Familie. Und das weiss mittlerwiile nöd nur de Peyer.
Alk. 43% Vol
«Quitte Güx, mit Huut aber ohni Haar. Proscht!»
Es isch eh haarstreubendi Ufgab, jedi Quitte einzeln zenthaare aber de Ufwand isches meh als wert. Will am Peyer sin Quitte Güx chützelet no chli ide Nase und schmeichlet em Gaume.
Alk. 40% Vol
«Wer Berike seit, muess au Bire säge. Proscht!»
Em Peyer sini Beriker-Bire heisst nöd nur so, sondern wird au im Dorf Berike im Aargau gmaischt! Wo en Williams de bunti Hund under de Bire-Schnäps isch, da isch Beriker-Bire de Gheimtipp. Wie seit de Peyer so schön: „Stilli Schnäps sind tüüf!“
Alk. 40% Vol
«Mir händen da bei eus, de Flachmah!»
Zum mal am Morge de Kafi ufzpeppe, zum am Abig in Stimmig cho, zum mal under Fründinne und Fründe eine uszgäh oder halt ebe eifach wenns mal wieder länger duured. De Flachmah isch en treue Begleiter im Alltag. Es git en uf nur 50 Stück limitiert und mitem Güx nach Wahl befüllt.
